الجزء الاول من سلسله "التسويق بالمصري" . اي هو التسويق.

ايه هو التسويق؟

التسويق هو علم رائع بنمارسه كل يوم فى حياتنا بدون ما نحس بكده، ولما هنتعمق فيه شوية هتكتشف إنك محتاج التسويق فى كل يوم فى حياتك.

انت لما بتتكلم كويس مع الناس، أو تلبس حلو أو تطور نفسك فى أى مجال من مجالات الحياة، فأنت كده بتكتسب ميزة تنافسية بتتنافس بيها، ودى مهارة تسويقية، بتستخدمها عشان تسوق لنفسك.

لما تتكلم أو تتعامل مع الناس، بازى بتركبهم بطريقة واحدة أو أسلوب واحد؟ لا طبعاً، أنت بتعمل تقسيم للمجتمع بتاعك - أهلك - أصدقاءك - الجيران - زملاء الجامعة - صحابك فى النادى - وبعد التقسيم اللى بتعمله ده، بتستهدف كل شريحة حسب صفاتها وسلوكها، وانت بتبقى عاوز تظهر بصورة مختلفة لكل شريحة من دول، فمثلاً تظهر فى صورة الطيب فى البيت، والمرح لأصحابك فى النادى، والاجتماعى مع زميلك فى الكلية، والمحترم فى دراستك لأستاذك فى الجامعة .. وهكذا، وكلها مهارات بتتعلمها فى التسويق فى الاستراتيجية التسويقية.

حتى لما بتنجح تدور على شغل، بتدور الأول على احتياجات الشركات والسوق، وجانب ده بتعمل لنفسك تحليل داخلى، وعلى أساس المعلومات اللى بتلاقيها عن السوق وعن نفسك، بتطور نفسك، وتحط سعر (مرتب متوقع) المفروض تاخده من الشركات دى، وبتحاول تعمل لنفسك دعاية عشان الشركات تشوفك وتختارك عن غيرك.

وبالتالى التسويق هو العلم اللى بتستمتع تتعلمه كل يوم من الأيام، لأنك لما تتعلم الصح بتتعلم معاه مهارات النجاح، مهارات التخطيط، مهارات التواصل، مهارات التفاوض، مهارات التفكير وحل المشاكل، وكل المهارات اللى تساعدك عشان تقدر تسوق لأى حاجة بتقدمها..

للأسف التسويق دخل بلادنا متأخر، ولما دخل كان ما بين طرفين متناقضين كرهوه فى التسويق، طرف بيعلم التسويق على أنه علم نظرى وتعريفات ونظريات بتتحفظ، وطرف تانى هو الشركات اللى مش فاهمة أن التسويق دور استراتيجى، وبتشوفه أنه أما مجرد إعلان وتوظيفه بخطوة بعيدة كل البعد عن التسويق بمفهومه الواسع الشامل المبدع اللى معاه أفكار ودراسة وتخطيط.

أولاً التسويق مستحيل يبقى ولا عمره كان علم نظري، لأن خبراء التسويق لقطوا فى الكتب، لما خبراء التسويق واللى بيكتبوا فيه لقوا أن الشركات عملت حاجات ساعدتها عشان تكون ناجحة وتحقق مبيعات وأرباح وتضرب سوق، وحبوا فى الناس تفهموا الأفكار التسويقية اللى اتبعتها الشركات دى، وعملوها فى علم سهل بسيط، أطلقوا عليه اسم التسويق فى حالات وأفكار.. يعنى باختصار التدوين اللى حصل دايماً كان عملى لخبراء جداً خبراء التسويق طولوها فى الكتب والمحاضرات عشان نستفيد منها ونختصر علينا الوقت.

والمجهود اللى كنا هنعمله عشان نجيب الأفكار والاستراتيجيات الناجحة دى، مش العكس زى ما كتير متخيل، إن فى ناس قعدوا فى كتب ويخترعوا نظريات ومصطلحات نظرية مهمة.

الحاجة التانية إن التسويق مش هو البيع، ولا هو الإعلان، ولا هو مكالمة بيع لعميل، أو إنك تعمل صفحة على الفيس بوك عليها صور منتجك.. كل دى أشكال تسويقية؛ لكن التسويق مش هو الأشكال دى بس..

التسويق عملية أكبر بكتير جداً، التسويق هو عملية النجاح الشاملة اللى بتبدأ من أول وجود الشركة وهى بتدرس السوق وبتعرف احتياجات العميل، وبيشمل بعد كده وضع استراتيجية تسويقية عبقرية تضمن لك تحقيق كل الأهداف التسويقية اللى بتحلم بيها، وبعد كده برامج تسويقية مبدعة جداً بتشمل تطوير المنتجات والخدمات وتسعيرها وتوزيعها والدعاية والترويج لها، وتنتهى بأن الشركة تحافظ على العلاقات المربحة القوية مع العميل مدى الحياة.


تعليقات